![بشـم الله](/users/2712/55/17/17/smiles/5862.gif)
![لاف فور ايفر](/users/2712/55/17/17/smiles/926745.gif)
منين أببداء والحروف عسار والمعنـى خطيـر والسالفة يمضي عليها الوقت مـا أحـدٍ حلهـا |
يا مفسر الأحلام عندي حلـم مضمونـه كبيـر دايم يمـر العيـن لـو تغفـى وفكـري ملهـا |
أشوف لي راعي مضى عمره ومرقاده حصيـر يشره على أحلام السحاب اللـي تجـود بهلهـا |
الشمس ظله والظلام اللي كسا جسمـه حريـر وأقصى أحلامه شجرة خضـراء ينـام بظلهـا |
والماء اللي اشتدت خيوط الشمس ما هو له وفير والقوت ما كفـى عضـود مـا قـدر يشتلهـا |
يشره على أحلامٍ تجي وتروح من يومه صغير ويمسي على نضرات للمقبـل عسهـا وعلهـا |
آليا بكى وجه السماء واليا ضحك وجه الغديـر أحلامه اللي ما رحمهـا الوقـت يبـدءا يفلهـا |
يحلم بوقت غير ما يدري يصير أو ما يصيـر احتلتـه وسـاوس أحلامـه وهـو محتلـهـا |
في مرة جالـس يمـد أفكـار حلمـه للأخيـر فـي ليلـة تحطمـت فيهـا أحلامـه كلـهـا |
حتى ارتوت جميع شريانه من النـاب الشطيـر لحظة وداع بليلة ظلمـى وجـت فـي غلهـا |
رفع كفوفه لسماء يرجي مـن الـرب البصيـر يحقـق أحلامـه بـدار غيـر يـوم يحلـهـا |
من خلقته يحمل معـاه الحلـم لليـوم الأخيـر رحل من الدنيـا وهـو مـا حقـق إلا علهـا |
هذي هي القصة وأنا أبغى منك تفسير الخبيـر دايم يمر الحلـم فـي عينـي وفكـري ملهـا |
![الحـــــــــــــــــــلم 857390](/users/2712/55/17/17/smiles/857390.gif)